तीन ठोक्तक
दुइ-चार शब्द बोलेपछि मान्छे चिनिन्छ; दाल, तरकारी चाखेपछि भान्छे चिनिइन्छ । धेरैले त आफ्नो मात्रै स्वार्थ खिच्ने रहेछन्; कुलटाले अमिर पाए तान्छे चिनिन्छ ॥
उपेन्द्र पौडेल :
१.
गुलामि गर्नेलाई भन्दानि, देख्नेलाई खस खस;
भो लोकाचार नपार भनि, छेक्नेलाई खस खस ।
फाइदा बेफाइदाका पात्रहरू गजबले चिन्छ ऊ;
उस्का बोक्रे धाक रवाफ,थेग्नेलाई खस खस ॥
२.
केहि सापट लगे पछि साह्रै मिठो बोल्ने;
अब माग्छ जस्तो लागे गफै गफले टोल्ने ।
नासो-सापट तिर्नु परे मरेतूल्य ठान्छ;
कहिले कथं मागिहाले लाज सबै खोल्ने ॥
३.
दुइ-चार शब्द बोलेपछि मान्छे चिनिन्छ;
दाल, तरकारी चाखेपछि भान्छे चिनिइन्छ ।
धेरैले त आफ्नो मात्रै स्वार्थ खिच्ने रहेछन्;
कुलटाले अमिर पाए तान्छे चिनिन्छ ॥
०००
पोखरा, कास्की