नेपाली हास्यव्यङ्ग्य अनलाइन पत्रिका

उपेन्द्र पौडेल :

१.
ज्यान पाल्नकै लागि मर्दा मर्दै बाँच्नु परेको छ;
बच्चा र परिवारको लागि प्राण साँच्नु परेको छ ।
प्राडो पजेरोमा कुदेर कमिशन खानेलाई के थाहा;
जोखिम मोल्दा मोल्दै पनि सपना भाँच्नु परेको छ ॥

२.
दाना पानी पनि कतिलाई खुवाएको रहेछ !
भित्र भित्रै सबै प्रणालीहरू कुहाएको रहेछ ।
प्रबुद्ध भनिएकाले पनि उस्कै चाकडी गर्छन !
थोरै तिनै सबैका मुखमा चुहाएको रहेछ ॥

३.
मन्त्री हुने रहर पुरा गराइदिन्छ प्रदेश;
तिसदिन पुगेपछि फेरी झराइदिन्छ प्रदेश ।
कहिले ऊ, कहिले अर्को सबको रहर पुग्ने;
एक एक पटक कुर्सीमा चढाइदिन्छ प्रदेश ॥

०००
पोखरा, कास्की