नेपाली हास्यव्यङ्ग्य अनलाइन पत्रिका

रमेश समर्थन :

१.
एक छिन एकान्तमा कुर्छ कवि
बल्लतल्ल कनिकुथि फुर्छ कवि
तर जब सुनाउँछ मञ्चमा कविता
श्रोता भन्छन्, ह्या कस्तो झुर छ कवि ।

२.
सारा दुस्मनी बिर्साइदिने मदिरालय हो शौचालय
दिव्य ज्योति जलाइदिने साधनालय हो शौचालय
अन्य कार्यकारणबाट त्राण दिई एउटै काम गराउने
मानवका निम्ति दुःखको परित्राणालय हो शौचालय ।

३.
उता तोड्यो, यता जोड्यो झ्यास्सै कवि
मञ्चमा उभिएर बोल्न खोज्यो फ्यास्सै कवि
बडो श्रोतालाई सिकार ठानेर ठहरै पार्छु भन्थ्यो
ओसिएको बारुदको बन्दुकझैं ठ्यास्सै कवि ।

०००
रुपन्देही