नेपाली हास्यव्यङ्ग्य अनलाइन पत्रिका

अमर अधिकारी :

१.
श्रीमान्ः किन हो नि काँचो केरालाई कुकरमा हालेर सिटी लगाएको ?
श्रीमतीः दस दिन भैसक्यो गाउँबाट ल्याएको । पाक्दै नपाकेपछि अब दुई सिठीमै पाक्छ ।

२.
(तिहारमा देउसी खेल्दै बालबालिकाहरू)
भट्याउनेवालाः बलिराजाले पठाको ।
घरबेटीः बलिराजाले पठाको लिखित प्रमाण देखाऊ त ! त्यसै बलिराजाले पठाको भन्ने ?
भट्याउनेवालाः जाउँजाउँ साथी हो, यी घरबेटी ठीक रैनछन् ।

३.
(एक वृद्धले सुपरमार्केटमा किनमेल सकेपछि)
वृद्धः महिला शौचालय कुन हो चौकीदार भाइ ?
चौकिदारः पुरुषलाई किन चाहियो महिला शौचालय ?
वृद्धः झुक्किएर त्यतै पसिएला कि भनेर नि भाइ ! सजग हुनुपरेन ?

४.
(यता मञ्चमा भाषण चल्दैथियो भने उता चौरमा भोज चल्दैथियो)
एक महिलाः लौन नि ! दिदीको घाँटीमा हड्डी अड्क्यो। के गर्नेहोला ?
नेताः ह्याँ मान्छेलाई एउटा शब्द विर्सिएर भाषण नै अड्क्यो । हड्डीको कुरा गर्नुहुन्छ !

५.
(खाता खोल्ने सुरमा हिँडेका एक शिक्षक बैंक खोज्दै)
शिक्षकः वाणिज्य बैंकको मुशा कता होला साहुजी ?
पसलेः बैंककै खातापाता र फाइलका पोकाहरूमै होला नि त मुसा !
शिक्कः मैले त हतारमा मुख्य शाखालाई छोटकरीमा मुसा भनेको ! काँ कागज र कपडा काट्ने मुसाको कुरा गर्नुभा साहुजीले पनि ?

०००
बुढानीलकण्ठ, काठमाडौं ।