नेपाली हास्यव्यङ्ग्य अनलाइन पत्रिका

भाेजराज रेग्मी मुखाले :

१.
काम गर्ने कालू , मकै खाने भालु भो
मन चोर्ने मायालु , कामचोर ठालु भो
छेपाराको छमछमी देखेर भालेमुङ्ग्रो जिल्ल !
कुम्भकर्णको काट्टो खान विभीषण चालू भो ।

२.
ऐन लिन आएको आन्दोलन पुष्टकारी बोकेर फर्क्यो
कपुरी क पढ्ने बच्चो, ए फर आन्दोलन घोकेर फर्क्यो
सरकारलाई रत्यौली देखाएर थर्काउनु पनि त कला हो,
उधारो सम्झौता जाकटी राखेर आशमान मस्त धोकेर फर्क्यो ।

३.
जीवन भन्नू विश्वास र भ्रमको पुल रैछ
आफैँलाई ढाँटी हाँस्ने अप्रिल फुल रैछ
नैतिकता र लाजशरम उखेलेरै फाल्ने
राजनीतिमा फाप्ने मन्त्र ढुलमुल रैछ ।

०००
मनाेहर बस्ती, काठमाडाैं