नेपाली हास्यव्यङ्ग्य अनलाइन पत्रिका

दिव्य गिरी :

१.
चोरकै ठूलो स्वर हुन्छ भन्थे, ह‍ो रहेछ
चोरले अनेक जाल बुन्छ भन्थे, हो रहेछ
चोरहरूको भीडमा अहँ, सज्जन टिक्दैन
चोरले नै शिखर छुन्छ भन्थे, हो रहेछ ।

२.
सबैलाई छकाएर सत्ता पाउने तिमी महान हौ
ताली बजाएर भत्ता पाउने तिमी महान हौ
बिरोधिलाई लघार्ने उपाए तिमीसँग छँदै छ
सधैँ तुरुपको एक्का पाउने तिमी महान हौ ।

३.
सत्तामा बसेर लुट्नुको मजा अलग्गै
लुट्नकै लागि फुट्नुको मजा अलग्गै
यस्तो अवसर फेरि आउँछ आउँदैन !
चोर र महाच‍ोर जुट्नुक‍ो मजा अलग्गै !

०००
ललितपुर