नेपाली हास्यव्यङ्ग्य अनलाइन पत्रिका

दिव्य गिरी :

१.
दिनहुँ तिम्रो अपराध गन्नु कतिन्जेल
दिनहुँ तिमी भ्रष्टाचारी भन्नू कतिन्जेल
नैतिकता तिमीमा कत्ति पनि रहेनछ
दिनहुँ तिम्रै उछित्तो खन्नु कतिन्जेल ।

२.
ठूलै षड्यन्त्रको जालमा फस्नु भा’छ तपाईं
किन पानीमा छायाँ हेरेर बस्नु भा’छ तपाईं
दुनियाँले तपाईंको अनेक कुरा काटेका छन्
आज आफ्नै नजरबाट खस्नु भा’छ तपाईं ।

३.
देशमा भ्रष्टाचारको महाभात मच्चाउने उनीहरू नै
आफूलाई मिल्ने गरि कानुन सच्याउने उनीहरू नै
सत्ता भित्र भएनि ठसत्ता बाहिर रहेनि फरक पर्दैन ?
अरूलाई फसाएर आफ्नालाई बचाउने उनीहरू नै ।

०००
ललितपुर