नेपाली हास्यव्यङ्ग्य अनलाइन पत्रिका

ज्ञानुवाकर पौडेल :

(१)
यस्तो श्रृंगार किन ? तिमी यति खर्चिलो किन ?
नारीहरू लगाउॅंछन् लुगा निकै भड्किलो किन ?
बांकी राख्दिनन् नखरा देखाउन पनि कुनैदिन-
केटाहरूले जिस्काउॅंदा मान्छन् असजिलो किन ?

(२)
तिमीलाई मैले पछ्याउन किन नपाइने ?
विरह-व्यथा आफ्नो सुनाउन किन नपाइने ?
सपनामा त दिएकी छ्यौ छुट जे जे गर्न पनि
बिपनामा चाहिं त्यही कुरो गर्न किन नपाइने !

(३)
के गर्नु, सबैजना मलाई “लेख्छ यो खराब” भन्छन्
“कंजूस छ यो पिलाउॅंदैन हामीलाई शराब” भन्छन्
आफू चाहिं कहिल्यै गतिलो लेखेर देखाउन नसक्ने –
मलाई चाहिं “लेखेर खै कति पुर्यायौ किताब” भन्छन् ।

०००