नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

१.
जिन्दगी यो आम-जनताको टुंडिखेल हैन ऐ नेताजी,
जन-भावनासंगको खेलबाड फुटबल खेल हैन ऐ नेताजी,
मतपत्रलाई देश लुटने लाइसेन्स पो ठानेछौ क्या र तिम्ले ऐ नेताजी
हामी जनतासंग गरेको तिम्ले के यो चलखेल हैन ऐ नेताजी ?

२.
थरी-थरीका किताब पढेर मात्र पार लागिदैन अब
सांघुरो अनि पुरानो बाटो हिंडेर मात्र पार लागिदैन अब
कोर्दैनो यदि तिमी आफ्नै सुस्पष्ट मार्ग-चित्र-
अरूको ईशारामा अघिबढेर मात्र पार लागिदैन अब ।

३.
उड्यो रंग अब यो जिन्दगीको मसी जस्तै
फर्काउनुपर्दा आफूले उधारो यो खुसी जस्तै
तिमीलाई देख्न नपाएदेखि अचेल लाग्छ –
जीवन यो युध्दपछिको उजाड बस्ती जस्तै !

४.
विना चन्द्रमा जसरी त्यो आकाश जगमगाउन सकिरहेको छैन
विना फूल, जसरी त्यो बगैंचा मगमगाउन सकिरहेको छैन
विना बादल बांझो छ आज, जसरी हाम्रो यो धर्ती पनि –
विना तिमी त्यसरी नै मेरो यो जिन्दगी रमाउन सकिरहेको छैन !

०००
हाल :अस्ट्रेलिया