नेपाली हास्यव्यङ्ग्य अनलाइन पत्रिका

रमेश समर्थन :

१.
केको गर्नु घमण्ड व्यर्थमा, तकदिर फेरिइरहन्छ
एलबम उही रहन्छ, तर तस्विर फेरिइरहन्छ
निगाहको तक्मा लगाएर के सान देखाउँछौ
मालिक उही रहन्छ तर जन्जिर फेरिइरहन्छ ।

२.
विकासको बजेट बिचमै चुहिन्छ, ठाउँठाउँमा चुहावट छ
मान्छे अचेल सस्तोमै मारिन्छ, उसको मूल्यमा गिरावट छ
हिजो आत्महत्या गर्न खोजेको व्यक्तिले एउटा उजुरी दिएछ
उसको आरोप छ, उसले खाएको जहरमा पनि मिलावट छ ।

३.
न हस्तिनापुर बन्नुपर्छ न गान्धार बन्नुपर्छ
कसैले भन्नै पर्दैन नेपाल सानदार बन्नुपर्छ
चाहिने जति सबै प्रकृतिले दिएकै त छ नि
नेपाल बन्न नेता र जनता इमानदार बन्नुपर्छ ।

४.
के रहन्थ्यो र मुटु बरै ! वचनले रेटेपछि
कहाँ जानु, कहाँ बस्नु आफ्नैले लखेटेपछि
जे गरे पनि जे भए पनि सधैँ पछि पर्नुपर्छ
आफ्ना हातको भाग्यरेखा आफ्नै हातले मेटेपछि ।

०००
रुपन्देही
बदनाम आँचल (२०८२)