रमेश समर्थनचार ठोक्तक
महाशय, तपाईँ सोचिनुहुन्छ, म सोच्नेमा परेँ महोदय, तपाईँ त रोजिनुहुन्छ, म रोज्नेमा परेँ हाम्रो बाटो, साधन र गन्तव्य एउटै नै हो तर महामहिम, तपाईँ खोजिनुहुन्छ, म खोज्नेमा परेँ ।
रमेश समर्थन :
१.
जीवन एक्लै आरम्भ भएको हो र एक्लै अन्त्य गर्छ
वृक्ष भई अग्लिएको जीवन एक दिन बिउ भई झर्छ
नातागोता मायाप्रेम सबै देखावटी कुरा न रहेछन्
हामी मर्दा रुने त रोलान् तर सँगसँगै को मर्छ ?
२..
म चिठीभित्रको विषय हेर्दिनँ, खाम हेर्छु
म ज्ञान र गुण हेर्दिनँ, दौलत र दाम हेर्छु
मेरो दृष्टि नै यस्तै छ यसमा मेरो के दोष
म रचनाको स्तर हेर्दिनँ, लेख्नेको नाम हेर्छु ।
३.
तपाईँ भित्ता र आली काट्नुस्, म खेतका गरा काट्छु
तपाईँ उठ्ने आकाश काट्नुस्, म उभिने धरा काट्छु
आउनुस्, मिलेर काटौँ यो संसारकै पुरानो संस्कृतिलाई
तपाईँ माथिका हाँगा ठुन्क्याउनुस्, म फेँदका जरा काट्छु ।
४.
महाशय, तपाईँ सोचिनुहुन्छ, म सोच्नेमा परेँ
महोदय, तपाईँ त रोजिनुहुन्छ, म रोज्नेमा परेँ
हाम्रो बाटो, साधन र गन्तव्य एउटै नै हो तर
महामहिम, तपाईँ खोजिनुहुन्छ, म खोज्नेमा परेँ ।
०००
रुपन्देही
बदनाम आँचल (२०८२)
म चिठीभित्रको विषय हेर्दिनँ, खाम हेर्छु
म ज्ञान र गुण हेर्दिनँ, दौलत र दाम हेर्छु
मेरो दृष्टि नै यस्तै छ यसमा मेरो के दोष
म रचनाको स्तर हेर्दिनँ, लेख्नेको नाम हेर्छु ।…Wow