कुमार खड्काचार ठोक्तक
बढे राजनको कुशासन फेर्न नयाँ क्रान्ति गरियो यिनै मतियारहरूको बिचमा झन् चेपुवा परियो प्रजातन्त्र, लोकतन्त्र, गणतन्त्रको जलप लगाउँदै, अमृत भन्दै लहैलहैमा काफी मन्दविष छरियो ।
कुमार खड्का :
१
अवसरवादी हाटमा फौबन्जारी छुट्टै नाउँ हुँदैन
चेपारेको बेसारे माया सत् चारित्रिक भाउ हुँदैन
के फरक पर्छ पप्पीलाई वस्त्र अथवा निर्वस्त्रले ?
किर्तेको सतरन्जमा इमानको कुनै ठाउँ हुँदैन ।
२.
कानुन भन्ने कुन चरो ? अगुवा नै मिच्ने गर्छन्
रक्षकहरू नदेखेझैँ पैतालाले थिच्ने गर्छन्
मनमौजी व्याख्या हुन्छन्, अविवेकी हगुवाहरूको,
दिनरात भिन्दाभिन्दै कित्ता ल्याप्चे किच्ने गर्छन् ।
३.
बढे राजनको कुशासन फेर्न नयाँ क्रान्ति गरियो
यिनै मतियारहरूको बिचमा झन् चेपुवा परियो
प्रजातन्त्र, लोकतन्त्र, गणतन्त्रको जलप लगाउँदै,
अमृत भन्दै लहैलहैमा काफी मन्दविष छरियो ।
४.
सबैभन्दा बोझिलो भारी अरूसँगको आशा हुन्छ
इच्छा, आकाङ्क्षा ढेर लाग्दा पीडा र निराशा हुन्छ
स्वाभिमान बचाउनुपर्दछ, शिर उचो राख्न सधैँ,
घाँटीअनुसार हड्डी निल्नु स्वावलम्बी भाषा हुन्छ ।
०००
आलापोट, काठमाडौ
धन्यवाद फित्कौली ! धन्यवाद गुरु …😀🙏
समसामयिक परिवेश लाई ट्यापै समाती खरो रूपमा उत्रने यथार्थ बादी कवि कुमार जी को कबिता पढादा मज्जा आउँछ।