नेपाली हास्यव्यङ्ग्य अनलाइन पत्रिका

काठमाडाैं, २०८२ माघ ४ । हास्यव्यङ्ग्य निबन्ध लेखनमा सक्रिय स्रष्टा याेगीश कृष्ण दिवङ्गत हुनु भएकाे छ । आज बिहानै उहाँकाे देहावसान भएकाे हाे ।

मुटुसम्बन्धी समस्याका कारण झण्डै तीन वर्षदेखि अस्वस्थ रहनु भएका याेगीश घरमै अक्सिजन सिलिण्डर राखेर अनवरत अक्सिजन सेवन गरिरहनु भएकाे थियाे ।

पशुपति आर्यघाटमा आफन्तजन, साहित्यिक मित्रहरूका बीच आज दिउसाे उहाँकाे अन्तिम संस्कार गरियाे ।

काठमाडौमा २०१४ असार १७ गते जन्मेर पलान्चोक, काभ्रेमा हुर्किनु भएका याेगीश कृष्णकाे युवा वय भने राजविराज, सप्तरीतिर बितेकाे हाे । स्वतन्त्र व्यवसायमा क्रियाशील रहँदै आउनु भएका याेगीशकाे लेखन र प्रकाशन आरम्भ २०३२ सालदेखि नै भएकाे थयाे । उहाँ मूलत हास्यव्यङ्ग्य लेखनमा संलग्न स्रष्टा हुनुहुन्छ ।

याेगीशले रचना आभास शर्मा, बन्धु खरेल, सुधीर यादवका नामबाट त्याे बेलैदेखि मधुपर्क, फित्काैली, प्रकाश, बुधबार, हिमाल, सगरमाथा सन्देशलगायतका पत्रपत्रिकामा स्तम्भ लेखन गर्नु भएकाे थियाे ।

चार दशक अघिदेखि कलम चलाउँदै आउनु भएका याेगीशले २०५० कै दशकमा एउटा निबन्धसङ्ग्रहकाे पाण्डुलिपि साझा प्रकाशनलाइ दिएकाे तर प्रकाशित नभएकाे मात्र हाेइन, पाण्डुलिपि नै हराइदिएकाे गुनासाे गर्नुहुन्थ्याे ।

पछिल्लाे चरणमा पत्रपत्रिकामा प्रकाशित हुँदै आएका नयाँ र पुराना निबन्धहरू संकलित गरि सङ्ग्रह प्रकाशित गर्ने तयारी पनि गर्दै हुनुहुन्थ्याे ।

यसै क्रममा उहाँका ३ दर्जन जति हास्यव्यङ्ग्य सिर्जना फित्काैली डटकममा प्रविष्ट भएका छन् ।

फित्काैली डटकम हास्यव्यङ्ग्य शिल्पी याेगीश कृष्णप्रति भावपूर्ण शब्दश्रद्धा व्यक्त गर्दछ साथै परिवारजनमा हार्दिक समवेदना प्रकट गर्दछ ।

०००