नेपाली हास्यव्यङ्ग्य अनलाइन पत्रिका

चेवन बस्नेत ठूलाघरे :

सबल देश बनाउन भन्दथे ।
गरिब माथि उठाउन जुट्दथे ।।
तर भयो कति निर्बल काल यो ।
विगतकै छ सिको अझ वृद्धको ।।१।।

मुख भरी उपदेश मिजासिलो ।
वचन शुद्ध भए सबको भलो ।।
तर कडा भयभीत गरी दियो ।
विगतकै छ सिको अझ वृद्धको ।।२।।

कठिनका दिन आउँछ भन्दथे ।
अनुजका बल बर्कत गन्दथे ।।
तब विदेश पठाउन जाग्नु ऊ ।
विगतकै छ सिको अझ वृद्धको ।।३।।

छ दरबार भनी कन मक्ख उ ।
शिर उँभो तरबार न देख्छ उ ।।
नजिक काल छ बुद्धि खुलेन हो ।
विगतकै छ सिको अझ वृद्धको ।।४।।

मतलबी जब बन्दछ मानिस ।
हरहरी परसम्म गनाउँछ ।।
र पनि बुद्धि अझै तक बिग्रियो ।
विगतकै छ सिको अझ वृद्धको ।।५।।

०००
सङ्खुवासभा
हालः कापनपा ३२, जडीबुटी