नेपाली हास्यव्यङ्ग्य अनलाइन पत्रिका

सौरभ सागर, अकुसी माईला, असि जस्ता उपनामले हास्यव्यङ्ग्य सिर्जना गर्दै आउनु भएका अशोककुमार शिवा फुङ्लिङ, ताप्लेजुङमा २०२० श्रावण २६ गते जन्मिनु भएको हो । पिता लक्ष्मीकान्त र माता जानुकादेवीका सुपुत्र शिवा बैङ्किङ सेवाबाट निवृत हुनुहुन्छ र अहिले काठमाडौंबासी हुनुहुन्छ । वाल्यकालदेखि लेखनमा रुचि भए पनि पहिलो प्रकाशित व्यङ्ग्य कविता ‘खनपुरे विकास’ (२०५५) हो । उहाँको ‘घोक्रेठ्याक व्यङ्ग्य निबन्धसङ्ग्रह (२०७१) प्रकाशित भएको छ र फित्कौली डटकममा नियमित लेख्दै आउनु भएको छ ।