नेपाली हास्यव्यङ्ग्य अनलाइन पत्रिका

टङ्कमाया र चोभराज उपाध्यायका सुपुत्र सृजन लम्साल २००३ असोज १५ गते तनहुँमा जन्मिनुभएको हो । बी.ए. र बी.एल. सम्म औपचारिक शिक्षा लिनुभएका लम्साल बैकिङ सेवाबाट निवृत्त हुनुहुन्छ । उहाँ हाल नेपालगञ्ज, बाँके बस्नुहुन्छ । २०२५ सालमा ‘पुतली’ शीर्षकको कविता प्रकाशनपश्चात् नेपाली साहित्यमा प्रवेश गर्नुभएका लम्सालको पहिलो कृति ‘नैतिकता हराएको सूचना’ (२०५५) प्रकाशित भएको थियो । उहाँका ‘प्रजातन्त्र गणित र डिप्रेसन’ (२०६०), ‘विस्थापित मुड’ (२०६८), ‘मृत्यु अधिकार’ (२०७८) निबन्धसङ्ग्रह लगायत अन्य कविता, नियात्रा, कथासङ्ग्रह गरी झण्डै आधा दर्जन कृतिहरू प्रकाशित छन् । लम्साल संस्कृति, पर्यटन तथा नागरिक उडड्यन मन्त्रालयद्वारा निबन्ध पुरस्कार (२०७१), क्षेत्रीय प्रतिभा पुरस्कार (२०७३) गरी थुप्रै पुरस्कार तथा सम्मानबाट पुरस्कृत, सम्मानित हुनुहुन्छ । सम्पर्क ९८ : ५८०२४५०१