नेपाली हास्यव्यङ्ग्य अनलाइन पत्रिका

पीपी कोइराला :

कास्टिङ शुरु हुँदै थियो। राष्ट्रीय गीतको धुनमा शहीदहरुको नाम आयो।त्यसपछि गाईनेको सारङ्गीको धुनमा आन्द‍ोलनका घाइते विधुवा र टुहुराहरुले रुँदै दुखेसो पोखेको पीडादायक दृश्य आयो।

ती कपाल सेतै फुलेका बृद्ध गाइने बाले विरहको गीत पनि गाउँदै गरेको दृश्य आयो । हलभित्रका कार्यकर्ताहरु धुन सुनेपछि बेलुकाको रक्शीको नशामा भावुक भएको नाटक गर्दै चुपचाप हेरिरहेका थिए।

अचानक बत्ती झ्याप्पै निभ्यो । अनि ड्याङ- ड्याङको आवाज आयो। त्यसपछि मुर्दा उठाउने बेलाको झैं शंखको एकोहोरो धुन आयो । सबै अतालिए । तुरुन्तै बत्ती झलमल्ल बले पनि फिल्म आएन। बरु अकस्मात पर्दाबाहिरै बाट एउटा डाका जस्तो स्वरुपको मान्छे देखियो।

मिसिन गन तेर्साउँदै उसले भन्न थाल्यो, “नेताजीलाई कुबाटो हिडाउने हैन ? अब मर्न तयार हो दलालहरु !”
एकैक्षणमा सारा दर्शकहरु सोतर भए।

त्यहि समयमा हल बाहिर एक पत्रकार अन्तर्वार्ता लिदै थिए,- “कोतपर्व जस्तै गर्नु भयो त नेताज्यू ?”

बुढा भैसकेका तर सिंहजस्तै गर्जन सक्ने इमान्दार नेताले जुङ्गामा ताउ लाउँदै हाँस्दै भने- “जैले पनि विपक्षीहरुको पोल सुनाउँथे । देश र जनता को भलाई भन्दा पनि खाली आफ्नै स्वार्थ अघि सार्थे!त्यसैले छानी छानी बोलाएर समाप्त गरिदिएँ , रावणहरुलाई ।”

०००
धरान- १३