बद्रीप्रसाद दाहाल ‘भस्मासुर’होसियार साँढेहरू !
गणको तन्त्र विरुप पारी गाँडको तन्त्रमा निमुखा थिच्ला जङ्गेझैं बम्की भाँडको मन्त्रमा टाँडमा चढ्ला मातेको साँढे जनता होसियार गणतन्त्र होला गाडुको तन्त्र जनता होसियार ।
सङ्घीय भाव भङ्गीय होला ? तिल्के र कथुरे
सङ्घीय चाह रङ्गीय बन्ला ? राज्य-कोष भकुरे
संघीय-राज्य जङ्गीय बने बलिदान फुस्सा भो
दम्भ र स्वार्थ अहंमा डुग्रे राष्ट्रलाई घुस्सा भो ।
फलाको मात्र लोकको तन्त्र ? भावना साँगुरो
झोंक र भोक रोगको तन्त्र लोकतन्त्रै माकुरो
हिटलर-लुई-मुसोलिन बुई चढ्ला है साँढेले ?
बिरालो, बाँदर, गिद्ध झै गर्लान् शासन-पाँडेले ।
गणको तन्त्र विरुप पारी गाँडको तन्त्रमा
निमुखा थिच्ला जङ्गेझैं बम्की भाँडको मन्त्रमा
टाँडमा चढ्ला मातेको साँढे जनता होसियार
गणतन्त्र होला गाडुको तन्त्र जनता होसियार ।
धादिङ
Subscribe
Login
0 Comments
Oldest
