नेपाली हास्यव्यङ्ग्य अनलाइन पत्रिका

बद्रीप्रसाद दाहाल :

ए हाम्रा प्रभु हो, कयौँ दिन बिते, षड्यन्त्रका जालमा ।
बस्दैनन् नव यौवनाजति अहो, यो देश नेपालमा ॥
कुर्ची भाग लुँछाचुडी, अति चल्या, हैरान देख्दै भयौँ।
कस्तो मोज र भोज लोभ चरूवा, देख्दै हतासा भयौँ ॥

झन् आयात बढेर जर्जर भयौँ निर्यातमा शून्य छौँ ।
झन् उत्पादन घट्न गै क्रय मरी, धान्नै नसक्ने भयौँ ॥
सर्कारी सब आकडा फजुलका झुक्याउने पुन्तुरा ।
बन्दैछन् जनता विरक्त अहिले सुन्दै सुनेनन् कुरा ॥

व्यर्थै पैँतिस वर्ष अल्मल भयो, मात्रै गफाडी बढे ।
सत्ता रक्सी र बोक्सीझैँ किन बन्यो दम्भी घमण्डी चढे ॥
कैले चेत पलाउला ? शिव हर, पाषाणका सालिक ।
नेपाली जनता, विधान बलमा, कैले हुने मालिक ? ॥

०००
धादिङ