संस्कृतिमा विकृति
दियौ स्वीकृति धर्म कर्म नबुझ्दा छिर्यो विकृति । कुरै नबुझी बाहिरियो संस्कृति भित्र्यो विकृति ।
सुसेली लयमा
नमः शिवाय
ॐ नमो भगवते
वासुदेवाय ।
मौलिकतामा
धेरै आँच आएको
छैन पतामा ।
हरि ह्यारी भो
पीताम्बर पिटर
डेभ देवको ।
देव माधव
माइकल भएर
बन्छ साधक ।
संस्कृतको गौ
मूल भाषा हाम्रै हो
अंग्रेजीमा कौ ।
मातृ मातर
अंग्रेजीमा लेखेका
ममी मदर ।
कुरा गरौँ कुन् ?
हाम्रै जडिबुटीका
ट्याबलेट हुन् ।
हाम्रो संस्कृति
संसारकै नमुना
उच्च प्रकृति ।
भन्छ पुराण
हाम्रो धर्म संस्कृति
धेरै पुरानो ।
प्यारो नेपाल
लान सके लैजान्थे
अग्ला हिमाल ।
काव्य कविता
नक्कल् गरे बनाए
मीठा छरिता ।
खान्छन् ठोकर
आज वीर नेपाली
बन्छन् नोकर ।
दियौ स्वीकृति
धर्म कर्म नबुझ्दा
छिर्यो विकृति ।
कुरै नबुझी
बाहिरियो संस्कृति
भित्र्यो विकृति ।
०००
कपन, काठमाडौंं