नेपाली हास्यव्यङ्ग्य अनलाइन पत्रिका

दुर्गा अधिकारी भमरकोटे: 

गर्दै नमन
आदिकवि भानुमा
श्रद्धासुमन ।१

काव्य लगानी
लेखेँ भानुभक्तको
छोटो कहानी ।२

रम्घा तनहुँ
जन्म भानुभक्तको
कवि मन भो ।३

सबै मान्दथे
बाजे कृष्ण पण्डित
विद्या जान्न्दथे ।४

भाषा अशुद्ध
शिक्षा दिए बाजेले
बने प्रसिद्ध ।५

खुसी हर्ष छ
उच्च सोच घाँसीको
मार्ग दर्शक ।६

भयो चेतना
दुईशव्द घाँसीका
बने प्रेरणा ।७

रामायणको
गरे उल्था नेपाली
हाम्रो प्राण भो ।८

राम्रो उन्नति
नेपाली भाषा शैली
भयो प्रगति ।९

विद्या धारण
भाषा एकीकरण
पैलो चरण ।

काठमाडौंको
नाम अमरावती
कान्तिपुरी भो ।११

टोपी लाएका
काठमाडौं धाएका
काम पाएका ।

भए हाजिर
सरकारी अड्डामा
पाए जागिर ।१३

हाकिम् जोसियो
बल्लतल्ल भेटेको
काम खोसियो ।१४

काव्य बनाए
छ महिना जेलको
मिल्यो सजाय ।१५

जेल उल्लास
लामखुट्टे गाउने
नाच्ने उडुस ।१६

धेरै सोचियो
त्यही बेला अयोध्या
काण्ड रचियो ।१७

भानुभक्तको
महाकाव्य पहिलो
रामायण भो ।१८

कवि महान
भारतमा भानुको
ठूलो सम्मान ।१९

भाषा साहित्य
देखे मोतीरामले
कला लालित्य ।२०

मोतीरामले
गरे भानुभक्तको
सेवा कामले ।२१

नाम लिएका
आदिकवि भानुको
संज्ञा दिएका ।२२

०००
काठमाडाैं