आफ्नै कथा: सुसेलीमा
छुट्यो पिलेन चलचित्र निर्माता भयो भिलेन । मन मान्दैन झुठो बोल्न खोजेको जान्दै जान्दैन ।
दुर्गा अधिकारी भमरकोटे :
पीर गर्दैछु
पछि मर्ने त्रासले
आजै मर्दैछु ।
गीत गाको छु
छोराछोरी हुर्केर
सुख पाको छु ।
पुर्खा मण्डन
छोरी मेरा असल
बस्छन् लण्डन ।
धनी बनेर
बस्छन् सबै विदेश
पैसा गनेर ।
दुख पानीमा
छन् है गाडी बंगला
राजधानीमा ।
खनेँ खोरिया
यौटा छोरो जापन
अर्को कोरिया ।
म छु सुखियाँ
साथी मेरा उपियाँ
टन्न रुपियाँ ।
चिन्ता छैन् केही
अमेरिका जापान
अष्ट्रेलिया यै ।
खोज्छन् आहारा
भरे साँझ फर्केलान्
माउ बचेरा ।
पेट भर्नु छ
धन साथी छ तर
एक्लै मर्नु छ ।
छुट्यो पिलेन
चलचित्र निर्माता
भयो भिलेन ।
मन मान्दैन
झुठो बोल्न खोजेको
जान्दै जान्दैन ।
०००
कपन, काठमाडाैं