दुर्गा भमरकोटेबाङ्गा तीज सुसेली
पर्व राम्रो छ “पोइल जान पाम“ गीत हाम्रो छ । नयाँ जमाना तीज पर्व ठूलो हो हैन समान । सक्नेले खान्छ पिएँ नाचेँ हल्लिएँ तिम्रो के जान्छ ?
दुर्गा अधिकारी भमरकोटे :
१.
तीज कोसेली
रुचाउँछ फित्कौली
बाङ्गा सुसेली ।
२.
गाना लरी लै
तीजको रहर त
आयो बरी लै ।
३.
दर खाने को ?
पाँच तारे होटल
नाच्न जाने हो ।
४.
तीज आको छ
दर खान दिनहुँ
मन लाको छ ।
५.
दर खाने हो
भर दिन रेस्टुराँ
नाच्न जाने हो ।
६.
हाम्रो संस्कृति
जसरी नि धान्नुछ
के हो विकृति ?
७.
ढाड भाँच्दैछौँ
तीज, तीन महिना
अघि नाच्दैछौँ ।
८.
पर्व राम्रो छ
“पोइल जान पाम“
गीत हाम्रो छ ।
९.
आधुनिक हौ
नर नारी समान
केमा कमि छौँ ?
११.
खाने दर हो
खर्च रेमिट्यान्सको
त्यही भर भो ।
१२ं.
कम्ता को छ र
पाँच तारे होटल
मीठा बोतल ।
१३.
साथी भेट्नु छ
तीनपाने धोकेर
तिर्खा मेट्नु छ ।
१४.
कल्ली बाँधौला
होटलमा पसेर
हल्ली नाचौँला ।
१५.
साथी संगीको
भन्दा धेरै गहना
मेरो हुने भो ।
१६.
भेटाउनु छ
शिरमाथि चन्द्रमा
देखाउनु छ ।
१७.
जोखाउनु छ
उ भन्दा म धनी छु
देखाउनु छ ।
१८.
नयाँ ल्याएकी
पोहोरको भन्दा त
दामी पाएकी ।
१९.
रमाएका छन्
पुग्दै खाडी कतार
कमाएका छन् ।
२०.
मिलाऊ मेसो
आना बेच्दा करोड
जाने भैसक्यो ।
२१.
रुढीबादीले
तीज दुई दिनको
मान्थे काजीले ।
२२.
नयाँ जमाना
तीज पर्व ठूलो हो
हैन समान ।
२३.
सक्नेले खान्छ
पिएँ नाचेँ हल्लिएँ
तिम्रो के जान्छ ?
२४.
खै के पाउँछन् ?
आलु खान्छन् पेडाको
धाक लाउँछन् ।
०००
कपन, काठमाडौं ।
