डा. छायादत्त न्यौपाने ‘बगर’साइनोका केही फाँकी
बाँच्न नजान्ने मान्छे स्वाद भेट्दैन श्रममा थेचारिन्छ भञ्ज्याङमुनि । गोजी सिउँछ कात्रो बत्ती निभाउँछ स्वार्थ निहुँ खोज्छ मसानघाट !
छायादत्त न्यौपाने :
१.
कति राम्रो त्यो कुर्सी !
ऊ घुमिराछ फन्फनी
मस्त छ दृष्टिहीन मान्छे ?
२.
पात-पातै जीवन
डाली-डालीमा समाज
बगैंचा बन्ला त संसार ?
३.
स्वार्थान्धो मान्छे नि म
ठट्टा गर्यो समयले
अर्थहीन रह्यो व्यस्तता !
४.
यी बोलक्कड साथी
भुइँ छाडे पुगे माथि
सँगै हौं भने गफ दिए ?
५.
हरायो नि विवेक
जारी गरौँ न सूचना
रोकिदिऊँ आज उडान !
६.
बाँच्न नजान्ने मान्छे
स्वाद भेट्दैन श्रममा
थेचारिन्छ भञ्ज्याङमुनि ।
७.
गोजी सिउँछ कात्रो
बत्ती निभाउँछ स्वार्थ
निहुँ खोज्छ मसानघाट !
८.
दुर्घटित कर्तव्य
शक्तिहीन कूटनीति
आदेश मन पर्ने मन !
९.
उठौं बिहान भो
नपालौं युवाले बेथा
नब्यँझे चिसिन्छ फलाम !
०००
पर्वत
हाल काडमाडौं
Subscribe
Login
0 Comments
Oldest
