नेपाली हास्यव्यङ्ग्य अनलाइन पत्रिका

सुधा बाँस्कोटा ढकाल :

आफ्नै दूनाे साेझ्याउने भए सत्ताधारी
लुकाउन मात्र खाेज्छन् भ्रष्टाचारका भारी
खानुकाे त सीमा छैन जत्ति पनि खाने
सहयाेग चाहिएमा भरिया नि लाने ।

स्वाभिमानी भए पक्कै दुख्ने थियाे चित्त
निष्ठा धर्म रहँदैन अत्याचार भित्र
जसरी नि बच्न खाेज्ने कुराे चपाएर
अभिनय राम्राे गर्छन् लाज पचाएर ।

इज्जत यिन्काे भए पाे त जाला भन्ने डर
काण्डै काण्ड रच्दै गए बनाउन घर
इमान नै बेचेपछि के पाे जाेगाउनु
यस्ताले त खल्ति भकाे कात्राे बनाउनु ।

मर्नुपर्ने सत्य कुरा बिर्सिएर हेर
कालाेधन थुपार्दैछन् तम्सिएर धेर
जुनैगाेरु आए पनि कानै चिरेकाले
धर्तीलाई बाेझ भयाे यिन्ले पिरेकाले ।

खाऊ खाऊ कति खान्छाै, भर घिचन्थैलाे
कुनै दिन खेलिने छ थाप्लामाथि भैलाे
क्यै गरे नि हन्तकाली पेट भरिँदैन ?
मरेपछि नर्कतिर पनि बास पाइँदैन ।

०००

काठमाडाैं