नेपाली हास्यव्यङ्ग्य अनलाइन पत्रिका

प्रेमका फूल फुल्दै थिए डालीहरूबाट
बगैंचा त्यही आगो लागे मालीहरूबाट

स्कुल बाटो धारा बिद्युत बनाउने बजेट
खाएर नि बगाइसके नालीहरूबाट

भगवानका मन्दिर र जेलहरू भन्दा
स्कुल बनाउ बरु खेतका आलीहरूबाट

चेतनाको बिगुल नै फुक्नुपर्छ गाउँमा
कोठीसम्म पुग्लिन् चेली दलालीहरूबाट

शहीदका सपनाहरू तुहिने नै भए
हुतिहारा शासकका बहालीहरूबाट ।

जाजरकोट