नेपाली हास्यव्यङ्ग्य अनलाइन पत्रिका

निम्ता मान अबेर–बेर नगरी, ढुट्टो बनाउ धन
हेलीकप्टर जेट मोटर चढी, रित्याउ धेरै धन ।
घुम्नू मोज गरेर भोज भकुरी, बोकी उषा उर्वशी
थप्द्यौ वैभव राश झन् अझ यहाँ, आफन्त साली सखी ।। १ ।।

ठ्याक्कै शङ्कर बुद्धका रुप लिई, गर्दै महा–भाषण
झुक्क्याउ जनता जनार्दन भनी, जोगाउँदै आसन ।
भ्रष्टाचार गरेर टन्न हसुरी, कोषै बनोस् घाइते
माले हौ कथुरे भनेर सपना, बाँड्नु सधैं काइते ।। २ ।।

चिफै गेस्ट म बन्छु, न्वारन बिहे बर्तून सप्ताहको
भान्सा चर्पी र ट्याङ्की काव्य रमिता, उद्घाटनैको मियो ।
साला साली मितेनी आउ प्रमदा, राँगो र साँढे म हुँ
बारै बर्ष लुकाउ पुच्छर यहाँ, उफ्रन्छु मन्त्री न हुँ ।। ३ ।।

धादिङबेंसी