नेपाली हास्यव्यङ्ग्य अनलाइन पत्रिका

कैयौं ठ्याक्क मिलाउँदै रहरका भाषाहरू भर्खरै,
लत्याएर हिँडेँ तमाम उनका आशाहरू भर्खरै !!

मेरै निम्ती भनेर मात्र पहिले जे जे दिएका थिए,
फिर्ता गर्नु तुरन्त रे खबर भो नासाहरू भर्खरै !!

डाँडाको सुनसानमा हरिणको वस्ती छ भन्ने सुनी,
ठूलो उत्सव झैँ कुनै हिँडीगए ब्वाँसाहरू भर्खरै !!

भो मेरो मुखमा नहेर, कसरी मैले बचाउँ भन,
बिछ्याएर गएँ स्वयं म सब यी पासाहरू भर्खरै !!

ल्याइन्छन् सुनका सफा मदनले बाला भनेकै दिन,
पार्छौं खाग भनी मुना हिँडिगईन ल्हासाहरू भर्खरै !!