नेपाली हास्यव्यङ्ग्य अनलाइन पत्रिका

जसरी डराउँछ जो कोही कालको अगाडि
डराउनुपर्ने भएको छ अस्पतालको अगाडि

मेरा बाबाआमालाई कस्तो महशुस होला
आउनुभयो भने मेरो यो बेहालको अगाडि

जीवनको अन्तिम चाहना पनि सोधिएन
राख्दाखेरी माछीलाई त्यो जालको अगाडि

मेरी प्रियाले अनवरत आँसु बगाइछन्
आफ्नै बाबु नालायक दलालको अगाडि

सकेनन् कसैले नाघेर उतापट्टी जान त
जोजो आए रमिता देखाए पर्खालको अगाडि

अदालतले दोषी कसलाई ठहर गर्छ हेरौं
मृत शिशु भेटियो सालनालको अगाडि ।

खगेनकोट–९, मंसिरी जाजरकोट