नेपाली हास्यव्यङ्ग्य अनलाइन पत्रिका

रातैभरि झुपडीमा केटा केटी रोका थिए
कठैबरा ! बिचरा ती हिजैदेखि भोका थिए ।

सिरेटोले मुटु काम्ने जाडो उस्तै बढेको थ्यो
भत्किएका भित्ताहरू झ्याल अनि ढोका थिए ।

हप्काउँदै खोल्नु भयो शंका गर्दै बारुदको
भर्सेलीमा ध्वाँसो लाग्या गुन्द्रुकका पोका थिए ।

कस्ता मान्छे भर्ती भए हजुरको पल्टनमा
सुरक्षाको घेराभित्र छिल्लिएका बोका थिए ।

छापामारी गर्नु भयो के भेट्नु भो हजुरले ?
गाउँलेका घरभित्र नाम्ला अनि डोका थिए ।

उर्लाबारी, मोरङ