नेपाली हास्यव्यङ्ग्य अनलाइन पत्रिका

१. कान्छी बज्यैका कुरा

सोच्नै हुन्न बिषालु त्यो बगरको बिच्छी छ सानो भनी !
घोच्नै हुन्न यथार्थ ख्याल नगरी भो सिंह कानो भनी !
भन्थिन् राम जप्यो भने नि मुखले हुन्छन् लुकेका छुरा !
कस्ले सुन्छ र खै बडा शहरमा कान्छी बज्यैका कुरा !!

२. झाँक्री र बोक्सी

झाँक्री रूप लिई बिहान दिउसो ढ्याङ्ग्रो स्वयं ठोक्दछौ !
मौका मात्र मिले बिलम्ब नगरी बोक्सी बनी टोक्दछौ !!
सुन्दैमा पनि कान पाक्छ छिनमै ती शब्द तिम्रा रुखा !
टाढा छौ यदि भैदिए नजिकमा तिम्रा उखेल्थे जुँगा !!

नेपालगञ्ज