नेपाली हास्यव्यङ्ग्य अनलाइन पत्रिका

सरकार मैले पठाएको
रेमिट्यान्स खान्छ
र नगरपालिका घोषणा गर्छ
उसको राज्यमा–
पानीको धारा तिर्खाउँछ
धाराको टुटीले हावा सुसेल्छ
बिजुली रुन्छ अँधेरोमा
पोल चिहान उभिन्छ
र तर्साउँछ
अस्पताल मुर्दा जन्माउँछ
र थपडी मार्छ
गाउँको डाक्टर शहर पसेको छ !
सरकार युवालाई बिदेश खेद्छ
र बिकासको नारा लाउँछ
उसको राज्यमा–
सडक खाडल खन्छ
सुरक्षा चौकीले निहत्था मार्छ
एम्बुलेन्सले बिरामी किच्छ
र यात्रु बोक्छ
फोहोरले नाक थुन्छ
मुर्खले लेख्छ संविधान
न्यायाधीश बलात्कार गर्छ
अख्तियारले घुस खान थालेको छ !

दोहा, कतार