नेपाली हास्यव्यङ्ग्य अनलाइन पत्रिका

आफू परियो हाईड्रोफोबियाको महा बिमारी ! बरु गन्हाएको शरीरमा महंगो पर्फ्युम छर्केर हिँड्ने तर महिनौँसम्म नि नहुहाउने !

साला, आजै पर्फ्युम छर्कन भुलेछु, आजै अफिस जाँदै गर्दा एउटी युवतीले मोटरसाईकलमा लिफ्ट मागी ! आफू चैँ नारी अधिकारको पक्षमा वकालत गर्दै हिँड्ने खुङ्खार महिला अधिकारवादी मान्छे परियो ! लिफ्ट नदिउँ पनि कसरी !

ती युवतीलाई कता कता देखे देखे जस्तो, चिने चिने जस्तो लाग्छ तर सोधी खोजी गर्ने हिम्मत पनि भएन ! “ति युबतीलाई मैले कतै देखेकै चिनेकै हुनुपर्छ” यही तर्कनाले दिनभरि पिरोलिरह्यो !

मध्य राती मात्र झल्याँस्स यकिन भो, उनलाई त मैले फेसबुकमा पो चिन्या हो त ! हत्तपत्त जर्फराउँदै उठेँ, हतार हतार फेसबुक खोलेँ, उनको प्रोफाईल सर्च गरेँ !

मेरी बास्सै ! उनको स्टाटस देखेर म त तीन छक परेँ बा ! लेखिएको थियो– “आज कलेज जाँदा बस छुट्यो, एक जना मान्छेलाई मोटरसाईकलमा लिफ्ट मागेँ ! माई गड ! त्यो मान्छे त छिप्पिएको बोको भन्दा नि बढ्ता गन्हाएर म त एकछिन पनि बस्न सकिन त्यसको मोटरसाईकलमा ! कलेज पनि नआईपुग्दै उत्रेर अर्को बसमा चढेर कलेज पुगेँ !”
जदौ, नमस्ते यो ‘दिल द्वन्दी’को !!!
– दिल द्वन्दी