नेपाली हास्यव्यङ्ग्य अनलाइन पत्रिका

कुमारीनै छु भन्छन् सिन्दुर पोते लाको देख्छु
दुधे बच्चा काखमा च्यापी सधै दुध ख्वाको देख्छु ।

गुन्यू चोली लोप भयो मिनिस्कट लाउन थालेर
राम्रो भए हुने थियो भताभुङ्ग भाको देख्छु ।

ईच्जतको ख्यालै छैन कति साह्रो बिग्रिएका
जीवन साथी मुग्लान खेदी डिस्को बार धाको देख्छु ।

श्रीमतीलाई सुखी राख्न जीवन धितो राखेर
कमाएको जति सबै मोज मस्तीमा उडाको देख्छु ।

रित्तो हात फर्कनु छ प्रवासबाट श्रम बेची
सर्माउँदै पराईको हातहरू समाको देख्छु ।

अनारमनी– ७, सैनिकमोड, झापा