नेपाली हास्यव्यङ्ग्य अनलाइन पत्रिका

यहाँ अँधेरो छ जिन्दगी नै मेरो
तिमी जून हेर्दै उज्यालो छ भन्छ्यौ
यहाँ जिन्दगी छ सिङ्गै उभिएको
तिमी पहाड हेर्दै उकालो छ भन्छ्यौ ।

बाढी पस्छ यहाँ चट्याङ यहीं खस्छ
यहाँ भुमरीमा जिन्दगानी फस्छ
यहाँ आँसुको छ सागर बनेको
तिमी नदी हेर्दै गहिरो छ भन्छ्यौ ।

आँधी चल्छ यहाँ हुरी यहीं चल्छ
सास फेर्नै गाह्रो यहाँ हरेक पल छ
यहाँ जिन्दगी छ किनारा भत्केको
तिमी दोभान हेर्दै पहिरो छ भन्छ्यौ ।

दोहा, कतार