नेपाली हास्यव्यङ्ग्य अनलाइन पत्रिका

कस्तो देशमा जन्मिएछौँ ?
कस्तो पानी पिएछौँ ?
कस्तो आदत लागेछ ?
अब त बाउको पैसा लिएर घरको सामान किन्दा पनि
कमिसन घिच्न मन लाग्छ,
कस्तो चुनाव भएछ
कस्तो नेता छानेछौँ ?
संविधानसभाको हालत देख्दा
यो भोटहाल्ने हातलाई पनि सिलौटोमा राखेर
लोहोराले किच्न मन लाग्छ,
सडक सडकमा आगजनी छ
व्यापारी भन्दा नेता धनी छ
सहमति र सम्झौता गर्न दिल्ली जान्छ,
यो त्यस्तो देश हो
जहाँ पुलिसले चोर्छ, अदालतले घूस खान्छ ।

काठमाडौं