नेपाली हास्यव्यङ्ग्य अनलाइन पत्रिका

खायो, चपायो
पचायो, नचायो
मिलायो, ढाँट्यो
अझ ढाँट्न सिक्यो
नयाँ नयाँ तरिका झिक्यो
विरोधको सामना ग¥यो
‘गर्छु’, गर्छु’ भन्यो
‘हुन्छ, हुन्छ’ भन्यो
फेरि विरोध आयो
‘अब गर्छ’ भन्यो
‘अब हुन्छ’ भन्यो
लाज पचायो
शर्म पचायो
हेर्दै नकच्चरो भयो
यथावत् हिंडिरह्यो
यथावत् बोलिरह्यो
जे आए पनि सहिरह्यो
यथावत् सम्माानित भइरह्यो
ज्यादै अनुभवी भयो
अत्यन्तै दह्रो कहलियो
बडो साहसी र बहादुर भनियो
पदमा ठडियो, ठडियो
पदवीले सजियो, सजियो
खै,
यो अपवाद हो कि स्वाभाविक हो
मान्छे त ऊ
धेरै पहिल्यै सिध्याउनुपर्ने खालको थियो ।

दियाले, ओखलढुङ्गा