ज्ञानुवाकर पौडेलपत्थर फोडेर देखा
सक्छस् भने दिलले दिल तोडेर देखा
हैन भने यी सब हर्कत छोडेर देखा ।
धेरै निदाइस् महलमा अब मात्र एक रात
कस्तो हुन्छ खुल्ला आकाश ओडेर देखा ।
भोलि फक्रिएको फूल टिप्नु छ भने
जा आज उ त्यो बगैँचा गोडेर देखा ।
विज्ञान तँलाई चमत्कारी अनि मान्नेछु
पहिले मेरो टुक्रिएको मन जोडेर देखा ।
बाबु आफूलाई खुब बलवान ठान्छस् भने
जा यो देशको निम्ति पत्थर फोडेर देखा ।
Subscribe
Login
0 Comments
Oldest
