नेपाली हास्यव्यङ्ग्य अनलाइन पत्रिका

रङ नम्बर पो परेछ

एउटा मान्छेले आफ्नो घरमा फोन गरेर सोध्छ– को बोल्नुभएको ?
उताबाट– म यो घरको काम गर्ने मान्छे ।
त्यो मान्छे– ओइ, मेरो घरमा त कोही पनि काम गर्ने मान्छे थिएन ?
उताबाट– म नयाँ काम गर्ने मान्छे हुँ, आजै साहुनीले राखेको ।
त्यो मान्छे– त्यसो भए साहुनीलाइ दे ।
– तपाइँ को ?
– म त्यो घरको मालिक ।
– साहुनी त बेडरूममा अर्कै केटासँग हुनुहुन्छ, मैले त उसैलाई पो यो घरको मालिक ठानेको ।
– के रे ?
– हो साब ।
– त्यसको यत्रो हिम्मत, जा त्यसो भए तिनीहरूलाई दराजमा राखेको मेरो पेस्तोल झिकेर मारिदे ।
– कहाँको दराज ?
– बैठक कोठाको ।
– नाइँ, मलाई पुलिसले समातेर लाँदैन कि क्या हो ?
– म तलाइँ पैसा दिन्छु नि !
– कति दिनुहुन्छ र ?
– म तलाइँ एक लाख दिन्छु ।
– नाइँ पाँच लाख दिने भएमात्र गर्छु ।
– ल, म तलाइँ पाँच लाख नै दिने भएँ । जा गएर मारिदे ।
एकछिन फोन होल्ड हुन्छ । त्यो मान्छे माथि चढेको आवाज आउँछ । दुईचोटी गोली चलेको आवाज आउँछ । मान्छे तल झरेको आवाज आउँछ ।
– हेलो साब, लासलाई कहाँ ठेगान लगाउने ?
– पछाडिपट्टि बगैँचामा बोराले छोपेर राख्, अहिले म आएर ठेगान लगाउँछु ।
– साब यो घरमा त बगैँचा नै छैन नि ।
– के रे ! लौ जा ! धत्तेरीका रङ नम्बर पो परेछ । सरी है ।

पतिको प्रेम
एकजोडी पति आफ्नो घरमा बसिरहेका छन् । उनीहरूका बीच निकै गहिरो प्रेम रहे देखिन्छ । उनीहरू आपसमा कुराकानी गर्दैछन् ।
पत्नी : म मरेँ भने के तपाइँ अर्को विवाह गर्नुहुन्छ ?
पति : अहँ, गर्दिनँ ।
पत्नी : किन नगर्ने नि ?
पति : म तिमीलाई धेरै माया गर्छु, त्यसैले क्या ।
पत्नी : अँ होला, साँच्चै भन्नुस् न क्या (झकझक्याउँदै)
पति : त्यसो भए म अर्को विवाह गर्छु ल ?
पत्नी : (अलि दुःखी हुँदै) अनि तपाइँ त्योसँग यही घरमा बस्नुहुन्छ ?
पति : यति राम्रो घर छोडेर कहाँ बस्न जाऊँ त प्रिय ?
पत्नी :अनि तपाइँ त्योसँग हामी सुत्ने पलङमै सुत्नुहुन्छ ?
पति : यस्तो आनन्ददायी पलङ छोडेर कहाँ सुत्न जाने त !
पत्नी : अनि मेरा यी सबै गहना पनि उसैलाई दिनुहुन्छ ?
पति : ऊसँग आफ्नै गहना भैहाल्छ नि !
पत्नी : अनि उसलाई मेरो स्कुटर पनि दिनुहुन्छ ?
पति : अँ, यति राम्रो स्कुटर कहाँ फाल्ने त !
पत्नी : त्यसो भए उसलाइ मेरा सबै कुर्तासुरूवालहरू पनि दिनुहुन्छ होला नि हगि ?
पति : तिम्रा कुर्ता सुरूवाल उसले के लगाउँथी र ! ऊ तिमीभन्दा धेरै पातली छे, उसलाई तिम्रो लुगा ठीक भए पो !
पत्नी : के रे के रे, पातली छे रे ?
पति : धत्तेरिका ! अ.. अ.. ।

रिजल्ट
(एकजना बाबुले आफ्नो छोरासँग जाँचको रिर्पोट कार्ड माग्छ)
छोरो : त्यो त मेरो साथीले भर्खरै सापट मागेर लगेको छ ।
बाउ : किन नि त्यसले जाँच बिगा¥यो कि क्या हो ?
छोरो : कहाँ हुनु नि ! मेरो रिजल्ट देखाएर आफ्ना बाबु–आमालाई तर्साउनु पर्यो रे क्या !

यो पनि त्यस्तै हो
साथी १ : मान्छेहरूलाई लभम्यारिज गर्न मन लाग्छ कि एरेन्ज म्यारिज गर्न मन लाग्छ भनेर प्रश्न गर्न खुब मज्जा आउँछ । यो प्रश्न तिमीलाइ झुण्डिएर मर्न मन लाग्छ कि गोली खाएर मर्न मन लाग्छ भने जस्तै त हो नि !
साथी २ : विवाह गर्ने उद्देश्य नभए पनि केटाहरू किन केटीको पछि कुदिरहन्छन् त ?
साथी १ : गाडी चलाउने उद्देश्य नभए पनि कुकुरहरू किन गाडीको पछि कुदिरहन्छन् त ? यो पनि त्यस्तै हो ।
– नवराज कँडेल
काभ्रे