परशुराम पराजुलीशान बाउको
(हजज बहर= मुफाइलुन् ×४)
सुटुक्क पस्नुहै तिमी गरेर मान बाउको ।
लुकेर बस्छु मै कतै भुलेर शान बाउको ।
बनेर मित्र प्रेममा हुँदैन है डराउनु,
कुरा गरौँन बेसरी छलेर कान बाउको ।
सदैव नाम प्रेमको जपेर बस्दछौ भने,
म आउनेछु भट्भटे चढेर यान बाउको ।
सिँगार बेहुली बनी स्वयम् थपी चुरा टिकी,
रमेर जाउँला कतै लिएर दान बाउको ।
उमेर सोह्रसत्रको अनेक दुःख छन् भनी,
भुलाउने कुरा सबै असत्य ठान बाउको ।
जुरोपानी– ४, झापा
Subscribe
Login
0 Comments
Oldest
