नेपाली हास्यव्यङ्ग्य अनलाइन पत्रिका

गोरु बेच्या साईनोमा मेरो सानो बाउ भयो,
मैले सधैं हार्ने पासा आज उस्को दाउ भयो ।

जुनै जोगी आए पनि खरानी नै धस्या मात्र,
न त उठ्यो मेरो पैसा न बचेर साउँ भयो ।

उस्ले भनी हुन्न पीडा ढुङ्गा जस्तो शरीरमा,
कोट्याएछु तिग्रातिर हेर्दा सानो घाउ भयो ।

भोको पेट भौतारिँदै हिँड्नु पर्ने जीवन भो,
उस्को पापी डेरा मेरो बास बस्ने ठाउँ भयो ।

महंगीको जमाना छ कष्ट मात्र झेल्नु पर्ने,
सोधी हेर्दा जताततै चर्कै चर्को भाउ भयो ।

झापा