नेपाली हास्यव्यङ्ग्य अनलाइन पत्रिका

नहिँडेर सिधा बाटो उक्लनै ओर्लनै बल,
अनौठा भावभङ्गीले माहिर छन् गर्नमै छल
मनै बाङ्गो तनै बाङ्गो, विचार बाङ्गियो सबै,
कुकुरको सधँै उस्तै, ढुङ्ग्रामा सोझिएन, खै ।

स्वाद र राग मीठो छ शिशीको बन्द झोलमा,
छेपारे रंगले गर्दा आँखा गड्दैछ खोलमा
टाई कोट भिरी भट्टी पस्छ बन्दै भलादमी
मुलायम् हातको सूची, देखेर बस्छ ऊ रमी ।

कराही दुधको छाडी घ्याम्पोकै हिँड्छ खोजमा,
ठेकीमा झ्याउ लाग्दैछ, दही भेटिन्न भोजमा
सुकुटी सेकुवा चाना, बनेर मुखमा पस,
गाई छन् बधशालामा, गाह्रो भो, भेट्न गोरस ।

पश्चिममा डुबे घाम, पूर्वमा राग फैलियो
लुछिँदा ह्याकुला साँप्रा, हरियो साग वैलियो
कुलटा व्यभिचारीका, भएन बुद्धि मथ्थर,
केराको थाम देखेमा, हुन्छन् टाँसिन तत्पर ।

तान्दछे, धन अर्कीले, घर्कीले घर धान्दछे,
नदेखूँ म भर्ना सौता, पति सव्थोक ठान्दछे
पाउने आशमा माया, कुर्छु भन्छे जुनी भर,
बधू नगरकी देखी, फर्कंदैन ऊ चैँ घर ।
कोसीदेखा, काभ्रे