नेपाली हास्यव्यङ्ग्य अनलाइन पत्रिका

१. लोकतन्त्र

सक्छौ डकैती गर
सक्दैनौ चुपचाप मर
न्याय–कानुन धर्म–कर्मको कुरै नगर
लोकतन्त्र यसैलाई भन्छन् मित्र हो
जजस्ले जे जे सक्छ त्यही त्यही गर
नसक्ने खुरूखुरू मर ।

२. हाहाकार

इथिओपियामा पानी नपर्दा
त्यही सुखाले मान्छेलाइ दुःख दियो
बङ्गलादेशमा हेर्नुस् बाढी आउँदा
त्यही पानीले मान्छेलाई दुःख दियो
नेपालमा हेर्नुस्
न पानीले नै दुःख दियो
न त सुखाले नै दुःख दियो
के कुरा नपुगेर हो नेपाली जनता
हाहाकारमा मर्नु प¥यो ।

३. त्रास

तीन करोड जनता नपुग्या देशमा
तेत्तिस करोड देउताको वास छ
न त रुन सक्यो न त हाँस्ननै
सँधै सँधै किन हो, किन हो
कता कताबाट त्रासै त्रास छ ।

४. प्रश्न

आँखाले भ्याए जति तिम्रो
तिमीले नै बोकेको
आफ्नो शरीर भने कसको ?

काठमाडौं