धनराज गिरीदिमाग साटेको छ
तिमीले टाइ बाँधे पनि देशको भोटो फाटेको छ
काठमाडौंले कर्णालीलाई धेरै–धेरै ढाँटेको छ
सिंहदरबार पिज्जा खाँदै विकासको खाका कोर्छ
हुम्ला चाहिँ पिठो बेगर सिस्नो फत्काई चाटेको छ
बालुवाटार काँडे तारको परखाल भित्र बस्दा
दक्षिणतिर जङ्गे पिलर उता ढल्न आँटेको छ
तल हुन्जेल देशकै लागि मरिहत्ते गर्छु भन्ने
घुम्ने कुर्सी भेटेपछि दिमाग उतै साटेको छ ।
हाल : सौल, दक्षिण कोरिया
Subscribe
Login
0 Comments
Oldest
