नेपाली हास्यव्यङ्ग्य अनलाइन पत्रिका

भोट माग्दा भनेका थ्यौ दिन्छु मैले भात ।
जितेपछि कुर्सी ताकी फेर्दैछौ रे बात ।।

भात आउने बाटो हेरी बितेका छन् रात ।
मात लागी बैगुनी भै दिन्छौ कि पो लात ।।

एकदुई महिना पनि हुन्न भीरपाखाको अन्न ।
फाँट तिम्रै कुर्सी तिम्रै, तिम्रै पेट टन्न ।।

साम्यवाद समाजवाद के–के वाद भन्छौ ।
भोकवादै नबुझेर तिमी देश हाँक्छौ ?

संयोग वियोग के–के गर्छौ ? धान खोज्न देऊ ।
‘संविधान’ थाहा छैन, खाने धान देऊ ।।
गैँडाकोट, नवलपरासी