नेपाली हास्यव्यङ्ग्य अनलाइन पत्रिका

उमेर बढेर म बुढो भएछु
भएछ वृद्धि र बृद्ध भएछु
बढ्यो अनुभव अनि बृद्ध आहा
खुले त्रिनेत्र परिदृश्य आहा ।

यी चर्मचक्षु अब देख्न छोडे
खुले त्रिनेत्र सबै देख्न थाले
शरीर दुर्बल बढी आत्मबल छ
शरीर निश्चल मन खुब चल्छ ।

आहा ! यति ज्ञान पहिल्यै भए ता
के खेर जान्थ्यो ? गए दिन गएका
भयो जति ज्ञान यति यो जगतको
प्राप्ति यति हो अरु सब फगत भो ।
बत्तिसपुतली, काठमाडौं