विमल निभामान्छे बुझ्न
निकै गाह्रो हुँदो रहेछ– मान्छेलाई बुझ्न !
मैले बुझ्न सक्छु– किताबका अक्षरहरू
बुझेको छु तिनका अर्थहरू पनि !
बुझ्छु निकै सजिलो गरी– तिम्ले लेख्ने दुःखका गीत,
खोतल्छु खुशीका कविता,
अझै गहिराइसम्म भेटाउँछु– तिम्ले कोर्ने प्रेम पत्रहरू !
कहिलेकाहीँ छामेर
संसारै जीतेको महसुस गर्न खोज्छु
चाहे,
–ढुङ्गा
–माटो
–आगो
–पानी
–घाम
–हावा
नै बुझेर किन नहोस् !
तर,
अहिलेसम्म
बुझ्न सकिन– मान्छेको जीवन
अझै त्यो भन्दा बढी– तिमीलाई !
गुल्मी
