नेपाली हास्यव्यङ्ग्य अनलाइन पत्रिका

तिमी मेरो ज्यान हौ, तिमी मेरो प्राण हौ
दुबिधा छैन केही, तिमी मेरो शान हौ

नेपाल, नेपाल, मेरो नेपाल !
नेपाल, नेपाल, प्यारो नेपाल !!

ढाँटीछली खानु छैन, जालझेल गर्नु छैन
दुनियाँको मानो काटी आफ्नो भाँडो भर्नु छैन
दायाँ–बायाँ बिर्सिएर एक्लै नदी तर्नु छैन
तिमी मेरो घर हौ, तिमी मेरो भर हौ
दुबिधा छैन केही, तिमी धरोहर हौ

नेपाल, नेपाल, मेरो नेपाल !
नेपाल, नेपाल, प्यारो नेपाल !!

खुट्टा तान्नु छँदै छैन, कुरा पनि काट्नु छैन
पौरखले बाँच्न सकूँ, नौलो चाहा अर्को हैन
शुभ्र–शान्त नेपाल भए –अरू केही चाहिँदैन
तिमी मेरो आश हौ, तिमी मेरो खास हौ
दुबिधा छैन केही, तिमी मेरो बास हौ

नेपाल, नेपाल, मेरो नेपाल !
नेपाल, नेपाल, प्यारो नेपाल !!
bra9841344577@gmail.com