नेपाली हास्यव्यङ्ग्य अनलाइन पत्रिका

यो सरकारको गति ढिलो देखियो
नेपालको भविष्य धमिलो देखियो ।

एकले अर्कोलाई आरोप –प्रत्यारोप
मुक्का नहान्दै जीउ निलो देखियो ।

शरीर जीर्ण भयो, हाल सरकारमा
बृद्धबाको अनुभव कलिलो देखियो ।

कुर्सीमै बस्न हतार हुन्छ सबैलाई
बरा ! बस्ने ठाउँमा पिलो देखियो ।

धान काट्न या त ससुराली गयौ
दौरा सुरुवालमा हेर हिलो देखियो ।

सत्तामा पुगेर भिटामिन खायौ कि
कान्छीको कुपुत्रो भरिलो देखियो ।

ताते पछि पग्लिन पर्ने हो फलाम
नतातेर पलपलमा गिलो दिेखियो ।

आँखाको भ्रम हो कि यथार्थ खास
बिनाफलको रूख लचिलो देखियो ।
रानीगाउँ —३, तनहुँ