जे. सागरअरुकै लागि
जलाई जलाई मन अरुकै लागि
जिउनै पर्ने जीवन अरुकै लागि ।
मरिजाँदा कसले सँगै लिन्छ र
कमाउँछ मान्छे धन अरुकै लागि ।
जवानी पनि अरुकै लागि गुम्नेछ
गुमाएछु मैले बचपन अरुकै लागि ।
सहिद बने चोकमा सालिक बनाइए
जसले थापेथे गर्दन अरुकै लागि ।
सधैं सबेरै उठेर मेरी आमा पनि
गर्छिन् खटन पटन अरुकै लागि ।
आफ्नो लागि मौन बसे पनि हुन्छ
बोल्नुपर्छ मिठो वचन अरुकै लागि ।
केटाकेटीहरू वरिपरि राखेर हजुरबा
भन्छन् आफ्नो कथन अरुकै लागि ।
केही दिन बाँच्ने पनि भोकले मर्छन्
बाचुन्जेल काम गर्छन् अरुकै लागि ।
Subscribe
Login
0 Comments
Oldest
